Englandsbanki ákvað í morgun að halda meginvöxtum óbreyttum í 5,25% þrátt fyrir að verðbólga sé komin niður í verðbólgumarkmið bankans. Mun þetta vera í sjöunda sinn sem peningastefnunefnd bankans heldur vöxtum óbreyttum en þeir hafa ekki verið hærri í 16 ár.
Verðbólga í Bretlandi hjaðnaði úr 2,3% í 2,0% á milli mánaða og fór þar með niður í verðbólgumarkmið Englandsbanka í fyrsta sinn í þrjú ár.
Samkvæmt The Wall Street Journal kusu tveir af níu meðlimum nefndarinnar að lækka vexti.
Samkvæmt WSJ hefur Englandsbanki áhyggjur af verðbólguþrýstingi þrátt fyrir að verðbólgumarkmiði var náð í maímánuði en lækkunina má rekja til lægra orku- og matvælaverðs.
Englandsbanki ákvað í morgun að halda meginvöxtum óbreyttum í 5,25% þrátt fyrir að verðbólga sé komin niður í verðbólgumarkmið bankans. Mun þetta vera í sjöunda sinn sem peningastefnunefnd bankans heldur vöxtum óbreyttum en þeir hafa ekki verið hærri í 16 ár.
Verðbólga í Bretlandi hjaðnaði úr 2,3% í 2,0% á milli mánaða og fór þar með niður í verðbólgumarkmið Englandsbanka í fyrsta sinn í þrjú ár.
Samkvæmt The Wall Street Journal kusu tveir af níu meðlimum nefndarinnar að lækka vexti.
Samkvæmt WSJ hefur Englandsbanki áhyggjur af verðbólguþrýstingi þrátt fyrir að verðbólgumarkmiði var náð í maímánuði en lækkunina má rekja til lægra orku- og matvælaverðs.
Kjarnaverðbólga, sem undanskilur vöruflokka í matvæla- og orkugeiranum, mældist 3,5% í maí samanborið við 3,9% í apríl.
Að mati bankans er líklegt að verðbólga muni hækka aftur á næstu mánuðum og vilja meðlimir peningastefnunefndarinnar sjá fleiri ummerki um að verðbólga sé að hjaðna í raun áður en vextir séu lækkaðir.
Næsti fundur nefndarinnar er í ágústmánuði og verða vextir því óbreyttir fram að þingkosningum í Bretlandi í júlímánuði.
Rishi Sunak forsætisráðherra Bretlands og Joe Biden Bandaríkjaforseti hafa báðir verið gagnrýndir heima fyrir vegna hárrar verðbólgu og vaxta.
Vonir Sunak um vaxtalækkun fyrir kosningar eru enn úti en óljóst er hvað bandaríski seðlabankinn gerir fyrir kosningarnar vestanahafs í haust, þó að flestir telji að hann haldi vöxtum óbreyttum á næsta fundi sínum.