Streymisveitan Netflix ber enn höfuð og herðar yfir aðrar streymisveitur þrátt fyrir nokkra erfiða fjórðunga í fyrra. Samkvæmt árshlutauppgjöri fyrirtækisins fjölgaði áskrifendum Netflix á öðrum ársfjórðungi um rúmlega 8 milljónir sem er töluverð aukning úr 5 milljónum á sama tímabili í fyrra.
Tekjur streymisveitunnar jukust um 17% og námu 9,6 milljörðum Bandaríkjadala í fjórðungnum sem er mun meira en greinendur og fyrirtækið sjálft höfðu spáð samkvæmt The Wall Street Journal.
Streymisveitan Netflix ber enn höfuð og herðar yfir aðrar streymisveitur þrátt fyrir nokkra erfiða fjórðunga í fyrra. Samkvæmt árshlutauppgjöri fyrirtækisins fjölgaði áskrifendum Netflix á öðrum ársfjórðungi um rúmlega 8 milljónir sem er töluverð aukning úr 5 milljónum á sama tímabili í fyrra.
Tekjur streymisveitunnar jukust um 17% og námu 9,6 milljörðum Bandaríkjadala í fjórðungnum sem er mun meira en greinendur og fyrirtækið sjálft höfðu spáð samkvæmt The Wall Street Journal.
Uppgjörið er sagt sýna að ákvörðun Netflix um að bjóða upp á breytilega verðskrá, eftir því hvort fólk vilji losna við auglýsingar eða ekki, og að rassía fyrirtækisins gegn notendum sem deila lykilorði sé að bera árangur.
Hagnaður samstæðunnar á fjórðungnum nam 2,15 milljörðum dala sem er um 44% meira en á sama tímabili í fyrra. Heildarfjöldi áskrifenda í lok fjórðungsins nam 277,65 milljónum einstaklinga á heimsvísu.
Hlutabréfaverð Netflix hefur hækkað um tæplega 0,7% í utanþingsviðskiptum eftir að uppgjörið birtist.