Pier Silvio Berlusconi, elsti sonur fyrrverandi forsætisráðherra Ítalíu, Silvio Berlusconi, greindi frá því í gær að hann hyggst ekki feta í fótspor föður síns og taka þátt í stjórnmálum á Ítalíu. Þess í stað hefur hann í hyggju að sjá um fjölmiðlasamsteypu fjölskyldunnar.
„Ég held mér líki við hugmyndina um að fara í pólitík en ég veit í raun að það er alls ekki fyrir mig,“ sagði Pier Silvio á viðburði í höfuðstöðvum Mediaset rétt hjá Milanó en Bloomberg greinir frá.
Hann bætti við að hann væri í raun viðskiptamaður mun fremur en stjórnmálamaður.
Pier Silvio Berlusconi, elsti sonur fyrrverandi forsætisráðherra Ítalíu, Silvio Berlusconi, greindi frá því í gær að hann hyggst ekki feta í fótspor föður síns og taka þátt í stjórnmálum á Ítalíu. Þess í stað hefur hann í hyggju að sjá um fjölmiðlasamsteypu fjölskyldunnar.
„Ég held mér líki við hugmyndina um að fara í pólitík en ég veit í raun að það er alls ekki fyrir mig,“ sagði Pier Silvio á viðburði í höfuðstöðvum Mediaset rétt hjá Milanó en Bloomberg greinir frá.
Hann bætti við að hann væri í raun viðskiptamaður mun fremur en stjórnmálamaður.
Miklar vangaveltur hafa verið um hvort Pier myndi feta í fótspor föður síns en hann sló það út af borðinu í gær. Pier Silvio viðurkenndi að faðir sinn hafi reynt fyrir áratug síðan að fá sig í framboð fyrir hægri-miðjuflokkinn Forza Italia.
Hann hafnaði því síðan alfarið að hafa kostað skoðanakönnun til að kanna möguleika sína á framboði.
MFE-MediaForEurope, betur þekkt sem Mediaset, er stærsta fjölmiðlasamsteypa Ítalíu. Samstæðan hefur unnið að því á síðustu árum að sækja fram með ókeypis sjónvarpsstöðvum á Spáni og í Þýskalandi.
Pier Silvio og systir hans Marina Berlusconi tóku fyrir fjölmiðlaveldi föður síns í fyrra en samstæða er metinn á um sjö milljarða evra eða um 1.045 milljarða íslenskra króna.
Forza Italia styður hægri stjórn Giorgia Meloni og er formaður flokksins Antonio Tajani utanríkisráðherra.
„Það er gott fyrir Ítalíu að vera í stöðugum höndum. Það er jákvætt fyrir almenning og frumkvöðla,“ sagði Pier Silvio
