Esja tvöfaldaði hagnaðinn

Kjötvinnslan Esja Gæðafæði hagnaðist um 290 milljónir króna í fyrra og nærri tvöfaldaði hagnaðinn frá fyrra ári.

Tekjur námu 5,5 milljörðum og jukust um 1,2 milljarða á milli ára.

Í ársreikningi segir að fólksfjölgun á höfuðborgarsvæðinu hafi haft jákvæð áhrif á reksturinn en jarðhræringar á Reykjanesi og áhrif þeirra á ferðaþjónustu sett strik í reikninginn í lok árs. Félagið er í eigu Kaupfélags Skagfirðinga.

Fréttin birtist fyrst í Viðskiptablaðinu.