Uppfinningamaðurinn Guðmundur Fertram Sigurjónsson, stofnandi og forstjóri Kerecis, hefur verið tilnefndur til Evrópsku nýsköpunarverðlaunanna 2024 en verðlaunaafhending fer fram í Möltu 9. júlí.
Á sama tíma tilkynnir Evrópska einkaleyfastofan (EPO) einnig um vinningshafa vinsældaverðlauna, sem valinn er í gegnum rafræna atkvæðagreiðslu á netinu. Allir sem tilnefndir eru til Evrópsku nýsköpunarverðlaunanna í öllum flokkum keppa um þann titil og er opið fyrir kosningu til 9. júlí.
Guðmundur Fertram og þróunarteymi hans voru valin úr hópi rúmlega 550 tilnefndra um verðlaunin og eru nú komin í úrslit til Evrópsku nýsköpunarverðlaunanna 2024 í flokki stærri fyrirtækja. Verðlaunin eru viðurkenning á uppfinningum sem veitt hafa verið einkaleyfi á í Evrópu.
Uppfinningamaðurinn Guðmundur Fertram Sigurjónsson, stofnandi og forstjóri Kerecis, hefur verið tilnefndur til Evrópsku nýsköpunarverðlaunanna 2024 en verðlaunaafhending fer fram í Möltu 9. júlí.
Á sama tíma tilkynnir Evrópska einkaleyfastofan (EPO) einnig um vinningshafa vinsældaverðlauna, sem valinn er í gegnum rafræna atkvæðagreiðslu á netinu. Allir sem tilnefndir eru til Evrópsku nýsköpunarverðlaunanna í öllum flokkum keppa um þann titil og er opið fyrir kosningu til 9. júlí.
Guðmundur Fertram og þróunarteymi hans voru valin úr hópi rúmlega 550 tilnefndra um verðlaunin og eru nú komin í úrslit til Evrópsku nýsköpunarverðlaunanna 2024 í flokki stærri fyrirtækja. Verðlaunin eru viðurkenning á uppfinningum sem veitt hafa verið einkaleyfi á í Evrópu.
Uppfinning Guðmundar Fertram er flestum Íslendingum kunnug en hún felst í því að nota fiskroð til að hjálpa sárum að gróa hratt og vel, hvort sem það eru sár af völdum sykursýki, bruna eða skurðaðgerða.
„Fiskroðið býður upp á marga kosti umfram aðrar sáragræðandi vörur á markaðnum og framleiðsla vörunnar er mjög sjálfbær og mikil verðmæti eru sköpuð úr aukaafurð fiskvinnslu sem annars væri ekki nýtt,“ segir í fréttatilkynningu.
Samkvæmt Alþjóðaheilbrigðismálastofnuninni (WHO) þjást yfir 60 milljónir manna í Evrópu af sykursýki. Sjúkdómurinn skerðir getu líkamans til að græða sár og mikið hefur skort á viðunandi læknisfræðileg úrræði.
Þetta er í annað sinn sem íslenskt þróunarteymi er tilnefnt til Evrópsku nýsköpunarverðlaunanna en í fyrra voru Þorsteinn Loftsson og Einar Stefánsson, prófessorar emeritus við Háskóla Íslands og stofnendur Oculis, tilnefndir til verðlaunanna.
Í tilkynningu vegna tilnefningarinnar segir að vegna flókinnar byggingar húðarinnar og hversu flóknir sáragræðsluferlar eru, hefur meðhöndlun sára alltaf verið krefjandi verkefni. Hundruð þúsunda fólks um allan heim er með skerta virkni vegna sára sem ekki gróa.
Dýrahúð hefur verið notuð til að búa til eins konar stoðgrind fyrir húðfrumur að skríða inn í og mynda nýja húð.
Í tilkynningu segir að Guðmundur Fertram og hans teymi hafa tekið þessa tækni á næsta stig með því að nota þorskroð sem felur í sér margvíslegan ávinning fram yfir hefðbundnar sáravörur sem unnar eru úr húð spendýra.
Vegna þess að ýmsar veirur geta sýkt fleiri en eina tegund spendýra þarf að meðhöndla sáravörur sem unnar eru úr spendýrum með sterkum efnum til að draga úr smithættu.
Sú meðferð dregur úr virkni þessara efna. Vegna þess að ekki er hætta á að sjúkdómar berist frá fiskum til manna er hægt að halda vinnslu á fiskroðinu í lágmarki, sem þýðir að hægt er að varðveita þrívíða byggingu þess, fitur og ómegasýrur sem stuðla að sáragræðslu.
„Rétt eins og hjá mannfólkinu samanstendur roð fiska af húðþekju, húð og undirhúð. Þróunarlega séð er húð okkar því eins og fiskroð fyrir utan að fiskroðið hefur hreistur sem þróaðist í hár hjá manninum. Það tók okkur fjögur ár á rannsóknarstofunni að þróa aðferð til að fjarlægja frumur og erfðaefni úr roðinu til að koma í veg fyrir ónæmissvörun þegar það er sett á mannslíkamann, án þess að tapa efnafræðilegri virkni og byggingu roðsins og varðveita sáragræðslueiginleika þess,“ útskýrir Guðmundur Fertram.
Þann 7. júlí 2023 tilkynnti Coloplast um kaup sín á Kerecis sem metin voru á 1,3 milljarða evra. Þessi tímamótakaup gerðu Kerecis að fyrsta „einhyrningnum“ í íslensku viðskiptalífi.
Evrópsku nýsköpunarverðlaunin verða afhent í beinu streymi frá Möltu 9. júlí næstkomandi. Þá mun Evrópska einkaleyfastofan einnig tilkynna um vinningshafa vinsældaverðlaunanna, sem valinn verður í gegnum almenna atkvæðagreiðslu á netinu.