Það er ekki að ástæðulausu sem Warren Buffett er oft nefndur vefréttin frá Omaha en ákvörðun hans um að fjárfesta í fimm verslunarfélögum í Japan árið 2020 virðist hafa komið á hárréttum tíma.
Í lok ágúst 2020 greindi Berkshire Hathaway, fjárfestingafélag Buffets, frá 6 milljarða dala fjárfestingu í fimm japönskum verslunarfélögum sem sérhæfa sig í millilandafjárfestingum.
Berskhire keypti upphaflega um 5% hlut í félögunum fimm gegnum dótturfélag sitt National Indemnity en félagið á nú um 9% hlut í hverju félagi.
Það er ekki að ástæðulausu sem Warren Buffett er oft nefndur vefréttin frá Omaha en ákvörðun hans um að fjárfesta í fimm verslunarfélögum í Japan árið 2020 virðist hafa komið á hárréttum tíma.
Í lok ágúst 2020 greindi Berkshire Hathaway, fjárfestingafélag Buffets, frá 6 milljarða dala fjárfestingu í fimm japönskum verslunarfélögum sem sérhæfa sig í millilandafjárfestingum.
Berskhire keypti upphaflega um 5% hlut í félögunum fimm gegnum dótturfélag sitt National Indemnity en félagið á nú um 9% hlut í hverju félagi.
Ávöxtun á bilinu 185% til 402%
Samkvæmt The Wall Street Journal hefur S&P 500 vísitalan í Bandaríkjunum hækkað um 53% frá 28. ágúst 2020, þegar Buffett gekk frá kaupunum, en á sama tíma hefur ávöxtun af fjárfestingum Buffets í Japans aukist töluvert meira.
Virði hlutar Buffets í félaginu Itochu hefur hækkað minnst af félögunum fimm en hluturinn hefur hækkað um 185% á síðustu þremur árum.
Hlutur Buffets í Marubeni hefur hækkað mest en hann hefur hækkað um 402% frá því að Buffett keypti í félaginu.
Staðan allt önnur þegar kaupin voru gerð
Samkvæmt ársuppgjöri Berkshire sem birtist á laugardaginn hefur félagið hagnast um 8 milljarða Bandaríkjadali á kaupum í félögunum fimm sem samsvarar um 1.101 milljörðum íslenskra króna.
„Hann hefur grætt formúgu á þessum félögum,“ segir Eric Lynch framkvæmdastjóri Scharf Investments í samtali við WSJ. „Þau hafa öll farið vel fram úr S&P.“
Það verður að teljast ágætis ávöxtun á rúmum á þremur árum en hlutabréfamarkaðurinn í Japan er á mikilli siglingu þessa dagana og fór Nikkei 225 vísitalan yfir 39.000 stig í fyrsta sinn í 34 ár í síðustu viku.
Varði sig gegn gengisáhættu
Þegar Buffett greindi frá fjárfestingum sínum í japönsku félögunum var Nikkei vísitalan um 40% lægri en hún er í dag.
Veiking japanska jensins hefur stuðlað að hækkun á hlutabréfaverði japanskra félaga líkt og Buffett greinir frá því í fjárfestabréfi helgarinnar að hann hafi byrjað að kaupa hlutabréf í Japan sumarið 2019.
Þá gaf Buffett út skuldabréf í japönskum jenum árið 2020 til að verja sig gegn gengissveiflum milli jensins og dollarans.
