Sjálfbærnisregluverk síðustu ára hefur skapað næstum nýja atvinnugrein en endurskoðendafyrirtæki, lögmannsstofur og aðrir sérfræðingar í sjálfbærnimálum hafa verið að veita ráðgjöf í tengslum við regluverkið.
Margrét Helga Guðmundsdóttir, verkefnastjóri í sjálfbærni- og loftlagsmálum hjá Deloitte, segir að það hafi verið nóg að gera hjá endurskoðendafyrirtækinu að veita ráðgjöf í tengslum við EU Taxonomy eða flokkunarreglugerðina eins og hún er kölluð í daglegu tali.
„Við þurfum að gefa þessu smá tíma fyrir rykið til að setjast í tengslum við flokkunarreglugerðina. Það eru svo sem ekki aðrar áskoranir þannig séð hér á Íslandi en í Evrópu. Þetta er auðvitað flókið enda ný löggjöf og það hefur verið skortur á leiðbeiningum frá stjórnvöldum. Það er ákveðið flækjustig sem fylgir en það eru séríslenskar áskoranir sem fylgja óinnleiddum EES-gerðum.“
Sjálfbærnisregluverk síðustu ára hefur skapað næstum nýja atvinnugrein en endurskoðendafyrirtæki, lögmannsstofur og aðrir sérfræðingar í sjálfbærnimálum hafa verið að veita ráðgjöf í tengslum við regluverkið.
Margrét Helga Guðmundsdóttir, verkefnastjóri í sjálfbærni- og loftlagsmálum hjá Deloitte, segir að það hafi verið nóg að gera hjá endurskoðendafyrirtækinu að veita ráðgjöf í tengslum við EU Taxonomy eða flokkunarreglugerðina eins og hún er kölluð í daglegu tali.
„Við þurfum að gefa þessu smá tíma fyrir rykið til að setjast í tengslum við flokkunarreglugerðina. Það eru svo sem ekki aðrar áskoranir þannig séð hér á Íslandi en í Evrópu. Þetta er auðvitað flókið enda ný löggjöf og það hefur verið skortur á leiðbeiningum frá stjórnvöldum. Það er ákveðið flækjustig sem fylgir en það eru séríslenskar áskoranir sem fylgja óinnleiddum EES-gerðum.“
Fyrirtæki skilja flokkunarreglugerðina illa
Spurð um hvort ráðgjöf Deloitte á þessu sviði sé að aukast, segir Margrét Helga svo vera og þá sérstaklega á meðan fyrirtæki eru að koma sér af stað.
„Í rannsókn sem gerð var við Háskólann í Lundi var komist að þeirri niðurstöðu að flækjustigið væri það hátt að fyrirtæki ættu í erfiðleikum með að skilja flokkunarreglugerðina án aðstoðar og eru því flest að treysta á utanaðkomandi ráðgjöf. Þannig að þetta eru bæði fyrirtæki erlendis og hérna heima sem glíma við áskoranir.“
„Þessar reglugerðir sem eru að koma á fyrirtæki í tengslum við sjálfbær fjármál. Þetta er allt bara frekar nýtt og tekur tíma að lagast. Við erum í aðlögun og verðum að sýna okkur smá mildi bara á meðan.“
Slæm áhrif á samkeppnishæfni
Margrét Helga skrifaði um innleiðingarhallann af afleiddum reglugerðum sem fylgja flokkunarreglunni í Viðskiptablaðið í lok árs 2023 en þar segir hún að ef fyrirtæki geta ekki uppfyllt þær kröfur sem koma fram í tæknilegu matsviðmiðunum vegna skorts á innleiðingu og leiðbeiningum frá stjórnvöldum leiði það til þess að fyrirtækjum verði sá kostur nauðugur að stjörnumerkja stóran hluta sjálfbærnisupplýsingagjafar sinnar. Mun það vera vegna ástæðna sem þeim verður á engan hátt um kennt, eða upplýsa út frá ósamanburðarhæfum forsendum sem ekki standast kröfur,“ skrifaði Margrét Helga.
„Það mun síðan smita út frá sér í upplýsingagjöf aðila á fjármálamarkaði samkvæmt SFDR, draga úr trúverðugleika upplýsingagjafar Íslands og eyðileggja samanburð íslenskra fyrirtækja við samkeppnisaðila erlendis. Slíkt getur haft neikvæð áhrif á samkeppnishæfni og mögulega fjármögnunarkjör íslenskra fyrirtækja á evrópskum mörkuðum,“ skrifaði Margrét Helga.
