Að öllu óbreyttu verða öll met slegin í fjölda flugferða í Bandaríkjunum í sumar samhliða því að fjöldi flugfarþega í Evrópu verði sambærilegur og árið 2019.
Þessi gríðarlega ásókn hefur þó ekki náð að bjarga gengi flugfélaganna en hlutabréf bandarískra flugfélaga hafa lækkað um 40% síðastliðin fimm ár á meðan gengi evrópskra flugfélaga hefur lækkað um 25%
Sömu sögu má segja hér heima en gengi Icelandair hefur fallið um 90% á sama tímabili á meðan gengi Play hefur lækkað um 88% frá skráningu á First North vaxtarmarkaðinn.
Samkvæmt The Wall Street Journal er lækkun á markaðsvirði flugfélaganna ekki tilkomin vegna þess að fjárfestar eru að selja bréf til að kaupa í næsta gervigreindarfyrirtæki heldur er hagnaður flugfélaganna að dragast saman samhliða aukningu í sætaframboði.
Að öllu óbreyttu verða öll met slegin í fjölda flugferða í Bandaríkjunum í sumar samhliða því að fjöldi flugfarþega í Evrópu verði sambærilegur og árið 2019.
Þessi gríðarlega ásókn hefur þó ekki náð að bjarga gengi flugfélaganna en hlutabréf bandarískra flugfélaga hafa lækkað um 40% síðastliðin fimm ár á meðan gengi evrópskra flugfélaga hefur lækkað um 25%
Sömu sögu má segja hér heima en gengi Icelandair hefur fallið um 90% á sama tímabili á meðan gengi Play hefur lækkað um 88% frá skráningu á First North vaxtarmarkaðinn.
Samkvæmt The Wall Street Journal er lækkun á markaðsvirði flugfélaganna ekki tilkomin vegna þess að fjárfestar eru að selja bréf til að kaupa í næsta gervigreindarfyrirtæki heldur er hagnaður flugfélaganna að dragast saman samhliða aukningu í sætaframboði.
Lággjaldaflugfélög líkt og Southwest Airlines, Spirit Arilines og Frontier voru um tíma að prenta peninga og spáðu greiningaraðilar vestanhafs að lággjaldaflugfélögin myndu stækka markaðshlutdeild sína eftir faraldurinn.
Öll flugfélögin eru þó núna að reyna forða sér frá gjaldþroti en samkvæmt WSJ er gríðarlega erfitt að reka lággjaldaflugfélag þegar öll gjöld eru í hámarki. Olíutunnan er til að mynda á 80 dali um þessar mundir en stóð í 55 dölum fyrir faraldurinn.
Samkeppni um hæfa flugmenn og áhafnir hefur þrýst launakostnaði upp á við og þá hefur skortur á flugumferðarstjórum leitt af sér upplausnarástand í flugáætlunum sem hefur reynst flugfélögunum kostnaðarsamt.
Mesta ásóknin eftir faraldurinn hefur verið í svokölluð „premium“ flugsæti þar sem farþegar geta borgað fyrir örlítið meira sætispláss, mat o.fl.
Að sögn WSJ útskýrir þetta af hverju gengi Delta Air Lines hefur ekki verið að lækka jafn mikið og hjá hinum flugfélögunum en félagið leggur mikla áherslu á premium flugsæti.
Ásókn flugfarþega í svokölluð premium sæti er einnig að valda minni ásókn í business class sæti en fyrirtæki eru að eyða mun minna í flugferðir en áður.
Myndbandsfundir hafa þar einhver áhrif en samkvæmt nýjustu spám munu fyrirtæki vestanhafs eyða um 13% minni í flugferðir í ár en árið 2019.
Að sögn WSJ er stærsta vandamálið þó offramboð á flugsætum og virðist sem flugfélögin hafi ákveðið að nýta aukna eftirspurn í ferðalögum eftir faraldurinn til að stækka leiðakerfið um of.
Í Bandaríkjunum er sætaframboð 8% meira í ár en árið 2019.
Hérlendis má finna sömu þróun en í sumar fara 178 flug daglega frá Keflavíkurflugvelli. Samkvæmt tilkynningu frá Isavia er hægt að fljúga til 82 áfangastaða í sumar og fljúga 26 flugfélög beint frá Keflavíkurflugvelli.
Íslensku flugfélögin boðuðu breytingar fyrir sumarið en Icelandair mun að öllum líkindum slá öll met í fjölda flugferða í sumar.
Flugferðir Icelandair verða um 8% fleiri í sumar en árið 2023 og um 20% fleiri en sumarið 2019.
Sætaframboð er um 5% meira en í fyrra og bætti Icelandair við þremur nýjum áfangastöðum í sumar: Pittsburg, Halifax og Vágar í Færeyjum.
Play er einnig að bjóða upp á sögulega margar flugferðir og sætaframboðið er um 5% meira en í fyrra og hefur aldrei verið meira. Flugfélagið kynnti tvo nýja áfangastaði fyrir sumarið; Vilnius og Split.