John Bean Technologies Corporation (JBT) tilkynnti í dag að Fjármálaeftirlit Seðlabanka Íslands (FME) hefði samþykkt beiðni félagsins um framlengingu á gildistíma valfrjáls yfirtökutilboðs í Marel þar sem beðið er eftir samþykki eftirlitsyfirvalda.
Áfram er gert er ráð fyrir að viðskiptin verði frágengin fyrir árslok 2024, að því er segir í tilkynningu Marels til Kauphallarinnar
John Bean Technologies Corporation (JBT) tilkynnti í dag að Fjármálaeftirlit Seðlabanka Íslands (FME) hefði samþykkt beiðni félagsins um framlengingu á gildistíma valfrjáls yfirtökutilboðs í Marel þar sem beðið er eftir samþykki eftirlitsyfirvalda.
Áfram er gert er ráð fyrir að viðskiptin verði frágengin fyrir árslok 2024, að því er segir í tilkynningu Marels til Kauphallarinnar
Gildistími tilboðsins hófst þann 24. júní 2024 og átti að renna út 2. september næstkomandi. Nú mun yfirtökutilboðið gilda þar til, eftir því hvort gerist fyrr:
- þess dags þegar þrjár vikur eru frá því að skilyrði valfrjálsa tilboðsins er snúa að samþykki eftirlitsyfirvalda hafa verið uppfyllt eða fallið hefur verið frá því, eða
- kl. 17:00 að íslenskum tíma hinn 11. nóvember 2024
Í tilkynningu Marels er áréttað að hluthafar sem hafa nú þegar tekið afstöðu til tilboðsins þurfi ekki að aðhafast frekar vegna framlengingar á gildistíma þess.
JBT hyggst tilkynna sérstaklega þegar skilyrði um samþykki eftirlitsyfirvalda hefur verið fullnægt.
Valfrjálsa yfirtökutilboð JBT hljóðar upp á 3,60 evrur á hlut í allt útistandandi hlutafé í Marel. Hluthafar Marel munu hafa sveigjanleika í vali á samsetningu endurgjalds: að fá greitt í formi reiðufjár, hlutabréfa, eða blöndu af hlutabréfum og reiðufé.
Val um samsetningu endurgjalds takmarkast af því að vegið meðaltal fulls endurgjalds JBT fyrir allt hlutafé í Marel verði 65% í formi afhentra hlutabréfa í JBT og um 35% í formi reiðufjár.
