Menningar- og viðskiptaráðuneytið gerir ráð fyrir því að vinnu og yfirferð um skýrslu starfshóps, sem falið var m.a. að skoða sameiningu Samkeppniseftirlitsins og Neytendastofu líkt og kveðið er á um í stjórnarsáttmála, ljúki með haustinu.

Þetta kemur fram í svari við fyrirspurn Viðskiptablaðsins. Umræddur starfshópur var skipaður síðasta haust og skilaði drögum með tillögum um miðjan mars. Skýrsla starfshópsins hefur ekki verið birt og engar upplýsingar veittar um tillögurnar.