Alvotech og samstarfsfélag þess, STADA, tilkynntu í dag að þau hafi sett á markað Uzpruvo, fyrstu líftæknilyfjahliðstæðuna við Stelara (ustekinumab) sem hlaut markaðsleyfi í Evrópu. Stelara er notað til meðferðar við þrálátum meltingar-, húð- og gigtarsjúkdómum.
„Félögin eru fyrst til að keppa um markað sem velti 2,4 milljörðum evra á síðasta ári, auka þar með aðgengi og lækka verð til sjúklinga,“ segir í tilkynningu Alvotech til Kauphallarinnar.
Alvotech og samstarfsfélag þess, STADA, tilkynntu í dag að þau hafi sett á markað Uzpruvo, fyrstu líftæknilyfjahliðstæðuna við Stelara (ustekinumab) sem hlaut markaðsleyfi í Evrópu. Stelara er notað til meðferðar við þrálátum meltingar-, húð- og gigtarsjúkdómum.
„Félögin eru fyrst til að keppa um markað sem velti 2,4 milljörðum evra á síðasta ári, auka þar með aðgengi og lækka verð til sjúklinga,“ segir í tilkynningu Alvotech til Kauphallarinnar.
Alvotech hafði áður gefið út að sala á líftæknilyfjahliðstæðuna í Evrópu gæti hafist í júlí þegar einkaleyfi fyrir frumlyfið myndi að falla úr gildi í álfunni. Sala á Uzpruvo er nú hafin í helstu Evrópulöndum, þar sem verð og greiðsluþáttaka heilbrigðistrygginga hefur verið samþykkt.
Alvotech gerir ráð fyrir að sala Uzpruvo hefjist í fleiri löndum Evrópu á næstu mánuðum eða um leið og opinberir aðilar hafa samþykkt verðlagningu lyfsins.
„Við fögnum því að Uzpruvo sé komið í sölu um alla Evrópu og að vera fyrst á markað,“ sagði Róbert Wessman, stjórnarformaður og forstjóri Alvotech. „Þetta staðfestir getu Alvotech í þróun og framleiðslu og möguleika samstarfsins við STADA, sem leggur áherslu á útbreiðslu líftæknilyfjahliðstæða.“
Uzpruvo var fyrsta líftæknilyfjahliðstæðan við Stelara sem hlaut markaðsleyfi frá framkvæmdastjórin Evrópusambandsins, í janúar síðastliðnum.
Lyfið er leyft til meðferðar við sóra (psoriasis), sóraliðagigt, sóra barna (pediatric plaque psoriasis) og Chrons sjúkdómnum. Notkun til meðferðar við sáraristilbólgu hefur ekki verið leyfð þar sem einkaréttur frumlyfjaframleiðandans fyrir þeirri ábendingu er enn í gildi.
Uzpruvo er í boði í áfylltri sprautu með mjórri nál en notuð er fyrir frumlyfið, og inniheldur ekki latex til að draga úr hættu á ofnæmisviðbrögðum. Lyfið er framleitt á Íslandi.