Hugmyndin að vörumerkinu Vecct á sér rætur að rekja til ítölsku borgarinnar Mílanó en þar starfaði Íslendingurinn Guðmundur Magnússon sem fatahönnuður. Á þeim tíma fór hann einnig að fá mikinn áhuga á hlaupi.

Guðmundur hafði þá unnið við að hanna föt í samræmi við hinn faglega ítalska stíl en vildi fá að breyta aðeins til og finna leið til að sameina bæði tískukunnáttu sína og eins nýja áhugamálinu.