Hlutabréfaverð Alvotech hefur hækkað um rúmt 1% í fyrstu viðskiptum í morgun en gengi félagsins hefur lækkað samfellt átta viðskiptadaga í röð.
Líkt og Viðskiptablaðið greindi frá í gær hafði gengi Alvotech lækkað um 26% í júnímánuði.
Félagið lauk í byrjun júní tæplega 10 milljarða hlutafjárútboði á genginu 1.320 krónum en gengið stendur í 1.085 krónum á hlut þegar þetta er skrifað.
Skortstaða í hlutabréfum líftæknilyfjafyrirtækisins Alvotech jókst verulega á síðustu tveimur vikunum í maí, samkvæmt upplýsingum frá Nasdaq. Í byrjun maí stóð fjöldi skortseldra hluta í um 884 þúsund, en var kominn í rúmlega 1,55 milljón hluti þann 30. maí. Slíkt umfang hefur ekki mælst meira frá skráningu félagsins samkvæmt gögnum Nasdaq.
Afkoma Alvotech í árshlutauppgjöri í byrjun maí var vel umfram væntingar markaðarins og greiddi félagið frá nýjum tekjuáætlunum fyrir árið 2025. Uppgjörið leiddi til mikillar hækkunar á gengi bréfa.
Fjárfestar sem höfðu áður veðjað gegn félaginu urðu í kjölfarið fyrir verulegu tapi og margir þeirra voru neyddir til að loka skortstöðum sínum, sem ýtti enn frekar undir hækkunina.
