Hlutabréfaverð Icelandair hefur hækkað um rúm 3% í fyrstu viðskiptum í dag en flugfélagið birti uppfærða afkomuspá fyrir opnun markaða í morgun.
Samkvæmt afkomuspánni gerir Icelandair ráð fyrir að flugframboð, í sætiskílómetrum, aukist um 10% frá fyrra ári og að heildartekjur verði um 220 milljarðar króna. Þá er gert ráð fyrir að EBIT hlutfall verði um 2-4% af tekjum og að hagnaður eftir skatta aukist milli ára.
Hlutabréfaverð Icelandair hefur hækkað um rúm 3% í fyrstu viðskiptum í dag en flugfélagið birti uppfærða afkomuspá fyrir opnun markaða í morgun.
Samkvæmt afkomuspánni gerir Icelandair ráð fyrir að flugframboð, í sætiskílómetrum, aukist um 10% frá fyrra ári og að heildartekjur verði um 220 milljarðar króna. Þá er gert ráð fyrir að EBIT hlutfall verði um 2-4% af tekjum og að hagnaður eftir skatta aukist milli ára.
Um 155 milljón króna velta hefur verið með bréf Icelandair í morgun og stendur gengið í 1,1 krónu.
Hlutabréfaverð Icelandair var rúmar tvær krónur síðasta sumar en í september síðastliðnum færði félagið afkomuspá sína niður fyrir árið, sér í lagi vegna krefjandi aðstæðna í fraktstarfsemi félagsins sem og hækkandi eldsneytisverði.
Um haustið tóku síðan við jarðhræringar á Reykjanesskaga sem og verkföll flugumferðastjóra.
Gengið tók örlítið við sér í janúar en samkvæmt kauphallartilkynningu í byrjun febrúar lækkaði sætanýting flugfélagsins talsvert milli ára á fyrsta mánuði ársins.
Í afkomuspánni í morgun segir Icelandair að óvissa í rekstrarumhverfinu hafi minnkað og áhrif „ónákvæmra frétta“ af eldsumbrotum á Reykjanesi á bókanir minnkað ásamt því að nýgerðir langtíma kjarasamningar á almennum vinnumarkaði skapi meiri stöðugleika.
