Hlutabréfaverð Marel hækkaði um 2,3% í Kauphöllinni í dag og hefur gengi félagsins því hækkað um 11,3% frá því að dagslokagengið fór niður í 327 krónur þann 9. nóvember.
Gengi Marel hafði þá ekki verið lægra síðan í janúar 2018 en dagslokagengið í dag var 364 krónur.
Hlutabréfaverð Marel hefur þannig hækkað um 2,5% síðastliðinn mánuð en lækkað um 25% á árinu.
Ölgerðin hækkaði um 2% í 124 milljón króna viðskiptum. Reginn hækkaði um tæpt 1% í 231 milljón veltu.
Hampiðjan leiddi lækkanir á markaði og fór gengi félagsins niður um 2,4% í 155 milljón króna viðskiptum. Hampiðjan skilar árshlutauppgjöri á þriðja ársfjórðungs eftir lokun markaða á fimmtudaginn.
Hlutabréfaverð VÍS lækkaði um 2% í 274 króna viðskiptum og gengi félagsins hefur nú lækkað um 18% síðastliðna sex mánuði.
Gengi Icelandair lækkaði um 1,5% í 96 milljón króna veltu.
Úrvalsvísitalan OMXI 10 hækkaði um 0,91%. Heildarvelta á markaði var 3,2 milljarðar.
