Hlutabréfaverð í flugfélaginu Play lækkaði um 19% í viðskiptum dagsins á First North markaðinum. Félagið birti ársuppgjör í gær ásamt því að tilkynna um fyrirhugaða 3 til 4 milljarða króna hlutafjáraukningu.
Félagið stefnir jafnframt á að flytja sig af First North-markaðnum yfir á aðalmarkað Kauphallarinnar á fyrri helmingi ársins.
Hlutabréfaverð í flugfélaginu Play lækkaði um 19% í viðskiptum dagsins á First North markaðinum. Félagið birti ársuppgjör í gær ásamt því að tilkynna um fyrirhugaða 3 til 4 milljarða króna hlutafjáraukningu.
Félagið stefnir jafnframt á að flytja sig af First North-markaðnum yfir á aðalmarkað Kauphallarinnar á fyrri helmingi ársins.
Dagslokagengi Play var 5,4 krónur sem er tæplega 61% lækkun á hálfu ári þegar gengi félagsins stóð í 14,1 krónu.
Ölgerðin hækkað um 70%
Tryggingarfélögin Sjóvá og Vís leiddu hækkanir á aðalmarkaði í dag og fór gengi Sjóvá upp um rúm 3% á meðan VÍS fór upp tæplega 3%.
Um hálfs milljarðs velta var með bréf tryggingarfélaganna tveggja.
Ölgerðin hækkaði einnig í viðskiptum dagsins en gengi félagsins hefur nú hækkað um 70% á einu ári. Hlutabréf í Ölgerðinni hækkuðu næstmest allra skráðra félagi í fyrra en gengið hefur síðan hækkað um 16% á nýju ári.
Gengi Ölgerðarinnar hækkaði um 2,5% í 161 milljón króna viðskiptum í dag.
Gengi Amaroq Minerals, sem leiddi hækkanir á markað í fyrra, lækkaði um 2% en gengi félagsins hefur lækkað um 3,5% síðastliðinn mánuð. Dagslokagengi Amaroq var 124 krónur.
Hlutabréf í Alvotech hækkuðu um tæp 2% í 1,5 milljarða króna veltu í dag.
Úrvalsvísitalan OMXI 15 hækkaði um 1,51%. Heildarvelta á markaði var 5,8 milljarðar.