Dagslokagengi Play var 0,94 krónur á hlut eftir tæplega 3% hækkun í örviðskiptum í dag. Líkt og kunnugt er gerðu tveir stærstu hluthafar félagsins yfirtökutilboð í allt hlutafé á genginu 1 króna á hlut.
Hlutabréfaverð Oculis hækkaði um tæp 2% í 22 milljón króna viðskiptum og lokaði í 2.420 krónum á hlut.
Mesta veltan var með bréf Íslandsbanka en gengi bankans stóð í stað í 117 krónum á hlut í 415 milljón króna viðskiptum.
Gengi Alvotech leiddi lækkanir en gengi félagsins fór niður um 3% í 121 milljón króna viðskiptum. Dagslokagengi Alvotech var 1.125 krónur.
Hlutabréfaverð Reita fór niður um 2,6% og lokaði í 111 krónum á hlut.
Úrvalsvísitalan lækkaði um 0,19% og lokaði í 2.607,01 stigum. Heildarvelta var 1,6 milljarðar.
