Gengi Símans hækkar í kjöl­far upp­gjörs

Hluta­bréfa­verð Símans hækkaði um tæp 3% í um 211 milljón króna við­skiptum í dag en fjar­skipta­fé­lagið birti árs­hluta­upp­gjör eftir lokun markaða í gær. Gengi Símans hefur nú hækkað um rúm 8% síðastliðna tuttugu daga.

Síminn skilaði 244 milljóna króna hagnaði á öðrum árs­fjórðungi, saman­borið við 179 milljóna hagnað á sama tíma­bili í fyrra.

Tekjur Símans jukust um 9,4% milli ára og námu 6,9 milljörðum. Þar af voru tekjur Bill­board, Dengsa og BBI, fyrir­tækja á aug­lýsinga­markaði sem Síminn keypti fyrr á árinu, um 400 milljónir króna. Fé­lögin þrjú voru að fullu inni í sam­stæðunni á öðrum fjórðungi.

Hluta­bréfa­verð Símans hækkaði um tæp 3% í um 211 milljón króna við­skiptum í dag en fjar­skipta­fé­lagið birti árs­hluta­upp­gjör eftir lokun markaða í gær. Gengi Símans hefur nú hækkað um rúm 8% síðastliðna tuttugu daga.

Síminn skilaði 244 milljóna króna hagnaði á öðrum árs­fjórðungi, saman­borið við 179 milljóna hagnað á sama tíma­bili í fyrra.

Tekjur Símans jukust um 9,4% milli ára og námu 6,9 milljörðum. Þar af voru tekjur Bill­board, Dengsa og BBI, fyrir­tækja á aug­lýsinga­markaði sem Síminn keypti fyrr á árinu, um 400 milljónir króna. Fé­lögin þrjú voru að fullu inni í sam­stæðunni á öðrum fjórðungi.

Orri Hauks­son, frá­farandi for­stjóri Símans, sagði að tekjur og rekstrar­af­koma Símans hafi vaxið með á­sættan­legum hætti á öðrum fjórðungi en mikil hreyfing var á fjar­skipta­markaði, sér­stak­lega í upp­hafi árs.

Hluta­bréfa­verð Eim­skips leiddi lækkanir á markaði en gengi gáma­flutninga­fé­lagsins hefur nú lækkað um 8% síðast­liðna viku. Dagsloka­gengi Eim­skips var 352 krónur eftir um 4% lækkun í 173 milljón króna við­skiptum í dag.

Alcoa Fjarðar­ál á­kvað að stefna Eim­skipi og Sam­skipum vegna meints sam­ráðs þeirra á árunum 2008 til 2013 en í Kaup­hallar­til­kynningu Eim­skips kemur fram að fjár­krafan sé byggð á frum­mati Analyti­ca sem hefur hlotið tölu­verða gagn­rýni.

Hagnaður Eim­skips dróst tölu­vert saman á milli ára og nam 8,4 milljónum evra á fyrri helmingi árs sem er lækkun frá 29,5 milljónum á sama tíma­bili í fyrra. Mun það vera um 71,5% lækkun.

Hluta­bréfa­verð Skaga lækkaði um 2% í við­skiptum dagsins og var dagsloka­gengið 14,5 krónur. Gengi Skaga hefur lækkað um 4% síðast­liðinn mánuð en von er á árs­hluta­upp­gjöri sam­stæðunnar eftir lokun markaða í dag.