Gera ráð fyrir að endurfjárfesta á Íslandi

Útlit er fyrir að umtalsvert fjármagn muni leita í íslenska nýsköpunargeirann vegna 180 milljarða króna sölunnar á Kerecis, m.a. þar sem 75% hluthafa voru Íslendingar. Stjórnarformaður og forstjóri Kerecis gera báðir ráð fyrir að fjárfesta áfram á Íslandi.

Omega ehf., fjárfestingarfélag Andra Sveinssonar og Birgis Más Ragnarssonar, var stærsti hluthafi Kerecis fyrir söluna með yfir 12% hlut. Áætla má að félagið fái ríflega 22 milljarða króna í sinn hlut fyrir söluna.

Útlit er fyrir að umtalsvert fjármagn muni leita í íslenska nýsköpunargeirann vegna 180 milljarða króna sölunnar á Kerecis, m.a. þar sem 75% hluthafa voru Íslendingar. Stjórnarformaður og forstjóri Kerecis gera báðir ráð fyrir að fjárfesta áfram á Íslandi.

Omega ehf., fjárfestingarfélag Andra Sveinssonar og Birgis Más Ragnarssonar, var stærsti hluthafi Kerecis fyrir söluna með yfir 12% hlut. Áætla má að félagið fái ríflega 22 milljarða króna í sinn hlut fyrir söluna.

Omega hefur fjárfest í nokkrum íslenskum fyrirtækjum á undanförnum árum, þar á meðal í ýmsum sprotafyrirtækjum, fasteignafélaginu Ásbrú og ÍV SIF Equity Farming sem vinnur að því að byggja upp eignasafn í fiskeldi og tengdri starfsemi. Blaðamaður Viðskiptablaðsins spurði Andra, að loknum kynningarfundi Kerecis um söluna til Coloplast, hvort hann geri ráð fyrir að fjárfesta áfram hér á landi.

Guðmundur Fertram sagði í fjölmiðlum í kjölfar sölunnar að hann ætti beint og óbeint um 10% hlut í Kerecis. Því má ætla að söluandvirði eignarhlutar hans nemi um 18 milljörðum króna.

Í samtali við Viðskiptablaðið sagðist Guðmundur gera ráð fyrir að taka virkari þátt í íslenska nýsköpunargeiranum í framtíðinni. Hann segist sem dæmi hafa mikla ánægju af því að fylgja indó í sinni vegferð, en hann er meðal hluthafa sparisjóðsins og tók við stjórnarformennsku félagsins á síðasta ári.

Fréttin er hluti af lengri umfjöllun um Kerecis og söluna til Coloplast í Viðskiptablaði vikunnar.