Gervigreindarfyrirtæki Elon Musk, xAI, sótti 6 milljarða Bandaríkjadali eða um 830 milljarða króna í síðustu fjármögnunarlotu.
Fyrirtækið hyggst nýta féð í rannsóknir og þróun til að mæta aukinni samkeppni í þróun gervigreindar.
Samkvæmt heimasíðu AI tóku stórir fagfjárfestar líkt og Andreessen Horowitz, Sequoia Capital, Valor Equity Partners og Vy Capital þátt í fjármögnunarlotunni.
Þá tók sádiarabíski prinsinn al-Waleed bin Talal einnig þátt gegnum félag sitt Kingdom Holding.
Gervigreindarfyrirtæki Elon Musk, xAI, sótti 6 milljarða Bandaríkjadali eða um 830 milljarða króna í síðustu fjármögnunarlotu.
Fyrirtækið hyggst nýta féð í rannsóknir og þróun til að mæta aukinni samkeppni í þróun gervigreindar.
Samkvæmt heimasíðu AI tóku stórir fagfjárfestar líkt og Andreessen Horowitz, Sequoia Capital, Valor Equity Partners og Vy Capital þátt í fjármögnunarlotunni.
Þá tók sádiarabíski prinsinn al-Waleed bin Talal einnig þátt gegnum félag sitt Kingdom Holding.
Samkvæmt The Wall Street Journal sýnir fjármögnunarlotan skrumið í kringum gervigreind en fjárfestar keppast við að missa ekki af lestinni.
Musk sagði á samfélagsmiðli sínum X að fyrsta vara xAi færi á markað bráðum en markmið fyrirtækisins er að keppa við OpenAI sem hefur verið leiðandi í þróun gervigreindar síðastliðinn ár.
Musk stofnaði xAI í júlí í fyrra og er fyrirtækið því enn töluvert á eftir vel fjármögnuðum keppninautum sínum.
OpenAI sótti nýverið 13 milljarða Bandaríkjadali frá Microsoft til að sækja enn frekar fram á meðan Anthropic sótti 6 milljarða dali í síðustu fjármögnunarlotu.