Eldum rétt velti 1.232 milljónum króna á síðasta ári sem er 9,4% aukning frá árinu 2020 þegar félagið velti 1.126 milljónum. Rekstrarhagnaður félagsins jókst úr 102 milljónum í 112 milljónir og hagnaður eftir skatta nam 88 milljónum.

Í skýrslu stjórnar í ársreikningi félagsins segir að aukin tekjumyndun hafi verið á fyrstu mánuðum síðasta árs og í lok ársins þegar samkomutakmarkanir komu fram. Samhliða hafi einnig verið aukinn kostnaður vegna heimsfaraldursins.

„Tekjuvöxtur á milli ára skýrist þó ekki eingöngu af COVID-19 þar sem félagið hélt áfram áherslu á „Veldur rétt“ sem hefur skilað söluaukningu og fengið góðar viðtökur.“

Eignir félagsins voru bókfærðar á 300 milljónir króna í lok síðasta árs. Eigið fé nam 182 milljónum samanborið við 194 milljónir ári áður. Eldum rétt greiddi út hundrað milljónir í arð í fyrra.

Sjá einnig: Hagar kaupa Eldum rétt

Í mars síðastliðnum var tilkynnt að Hagar hefði náð samkomulagi um kaup á Eldum rétt, með fyrirvara um samþykki Samkeppniseftirlitsins.

Hefur skilað hagnaði frá 2016