Samhliða fyrstu útgáfu Viðskiptablaðsins árið 1994 var tækniheimurinn að springa út með alls kyns nýjungar sem myndu bæði auðvelda líf fólks um allan heim og gjörbreyta því hvernig við eigum samskipti hvert við annað.

Internetið fæddist þetta árið með innleiðingu veraldarvefsins (e. World Wide Web) og gat fólk tekið ljósmyndir með stafrænum myndavélum. Þegar kom að kvikmyndaáhorfi þurfti ekki lengur að spóla til baka þar sem fyrsti DVD-spilarinn kom á markað þetta ár.