Ekkert lát virðist vera á hækkunum málmleitarfélagsins Amaroq Minerals í Kauphöllinni en gengi félagsins hefur hækkað um rúm 2% í morgun í 436 milljón króna viðskiptum.
Hlutabréfaverð Amaroq, sem heldur á víðtækum rannsóknar- og vinnsluheimildum á Grænlandi, hefur hækkað um 11% frá því að félagið var skráð á aðalmarkað í lok septembermánaðar en gengið hefur farið úr 99 krónum í 110,5 krónur.
Ekkert lát virðist vera á hækkunum málmleitarfélagsins Amaroq Minerals í Kauphöllinni en gengi félagsins hefur hækkað um rúm 2% í morgun í 436 milljón króna viðskiptum.
Hlutabréfaverð Amaroq, sem heldur á víðtækum rannsóknar- og vinnsluheimildum á Grænlandi, hefur hækkað um 11% frá því að félagið var skráð á aðalmarkað í lok septembermánaðar en gengið hefur farið úr 99 krónum í 110,5 krónur.
Yfir 40% hækkun á árinu
Hlutabréf Amaroq leiða hækkanir í Kauphöllinni í ár en félagið hefur hækkað um 40% á árinu. Hlutabréf Ölgerðarinnar fylgja þar á eftir með 27% hækkun á árinu.
Gengi Amaroq stóð í 70,5 krónum fyrir ári síðan og hefur gengið því hækkað um 56% á einu ári.
Verð á framvirkum samningum með gull hafa hækkað verulega síðustu daga og fór verð á únsu af gulli fór yfir 2.111 dali í gær sem er það hæsta í sögunni.
Verðið gaf örlítið eftir með deginum og stendur únsan í 2.044 dölum í dag.
Byrja að sækja gull á næsta ári
Tilraunaboranir Amaroq í sex borholum í Grænlandi skiluðu nýverið hæsta gullmagni í sögu félagsins en félagið fann meðal annars nýja gullæð sem er með 256 grömm af gulli í hverju tonni.
Samkvæmt því sem Viðskiptablaðið kemst næst telst þetta gríðarlega mikið magn af gulli per tonn þrátt fyrir að um sé að ræða neðanjarðarnámu þar sem gullstyrkurinn er oft hærri en kostnaðurinn við að sækja gullið meiri.
Eldur Ólafsson, stofnandi og framkvæmdastjóri Amaroq, sagði í samtali við Viðskiptablaðið í nóvember að félagið vænti þess að byrja sækja gull úr námunni á fyrsta fjórðungi næsta árs.
Hann gat ekki sagt til um hvenær félagið muni framleiða sína fyrstu únsu af gulli en það verður tilkynnt á næsta ári.