Frumvarp um breytingu á lögum um starfsemi stjórnmálasamtaka var á dagskrá Alþingis í vikunni en Diljá Mist Einarsdóttir, þingmaður Sjálfstæðisflokksins, er fyrsti flutningsmaður frumvarpsins. Í því leggja hún og nokkrir samflokksmenn hennar til nokkrar breytingar á ákvæðum laga um starfsemi stjórnmálasamtaka, sem varða framlög hins opinbera til stjórnmálastarfsemi og voru lögfest árið 2006.