Sjávarútvegsfyrirtækið Dögun, sem rekur rækjuvinnslu á Sauðárkróki, hagnaðist um þrjár milljónir evra á árinu 2023, sem nemur 453 milljónum króna miðað við meðalgengi evrunnar á árinu.
Til samanburðar nam hagnaðurinn 2,8 milljónum evra árið áður, um 418 milljónum króna. Þá námu rekstrartekjur félagsins 29,4 milljónum evra á síðasta ári, sem nemur 4,4 milljörðum króna.
Fyrirtækið fagnaði sínu fertugasta starfsári í fyrra og er í meirihlutaeigu Óttars Magnúsar Yngvasonar. Óskar Garðarsson er framkvæmdastjóri Dögunar.
Dögun ehf
| 2022 |
|---|
| 4.230 |
| 5.997 |
| 3.001 |
| 393 |
