Rent Nordic ehf., rekstrarfélag bílaleigunnar Rent.is, hagnaðist um 737 milljónir króna á síðasta ári en árið áður var hagnaður 20 milljónum hærri. Síðustu tvö ár hefur félagið því alls hagnast um tæplega einn og hálfan milljarð króna.
Rent Nordic ehf., rekstrarfélag bílaleigunnar Rent.is, hagnaðist um 737 milljónir króna á síðasta ári en árið áður var hagnaður 20 milljónum hærri. Síðustu tvö ár hefur félagið því alls hagnast um tæplega einn og hálfan milljarð króna.
Rekstrartekjur námu tæplega 2,3 milljörðum í fyrra og jukust um 219 milljónir frá fyrra ári. Rekstrarhagnaður nam 981 milljón í fyrra, samanborið við tæplega 1,1 milljarð árið áður.
Eignir félagsins voru bókfærðar á tæplega þrjá milljarða í lok síðasta árs, skuldir námu tæplega 1,6 milljörðum og eigið fé nam rúmlega 1,4 milljörðum.
Stjórn félagsins leggur til að hálfur milljarður verði greiddir út í arð til hluthafa á þessu ári en reksturinn hefur gengið vonum framar að mati stjórnar.
Theódór Kelpien Pálsson, Guðmundur Hlynur Gylfason og Ásgeir Arnar Ásmundsson eiga hver um sig þriðjungshlut í bílaleigunni sem leigir út bíla með gistirými, svokallaða „campera“.
Fréttin birtist fyrst í Viðskiptablaðinu.
