Hákon Stefánsson, stjórnarmaður í Sýn, keypti í gær 400.000 hluti í fjölmiðla- og fjarskiptafélaginu fyrir 20 milljónir króna. Íslex, félag Hákonar, keypti hlutina á genginu 50 krónur á hlut. Þetta kemur fram í tilkynningu til Kauphallarinnar.
Um er að ræða önnur kaup Hákonar í Sýn á skömmum tíma en hann keypti hlutabréf í félaginu fyrir 54,5 milljónir króna í mars. Íslex á nú um 1,4 milljónir hluta, eða um 0,56% eignarhlut, í Sýn sem er 70 milljónir króna að markaðsvirði.
Hákon Stefánsson, stjórnarmaður í Sýn, keypti í gær 400.000 hluti í fjölmiðla- og fjarskiptafélaginu fyrir 20 milljónir króna. Íslex, félag Hákonar, keypti hlutina á genginu 50 krónur á hlut. Þetta kemur fram í tilkynningu til Kauphallarinnar.
Um er að ræða önnur kaup Hákonar í Sýn á skömmum tíma en hann keypti hlutabréf í félaginu fyrir 54,5 milljónir króna í mars. Íslex á nú um 1,4 milljónir hluta, eða um 0,56% eignarhlut, í Sýn sem er 70 milljónir króna að markaðsvirði.
Hákon var kjörinn í stjórn Sýnar á hluthafafundi í október síðastliðnum. Hann er framkvæmdastjóri InfoCapital, fjárfestingarfélags Reynis Grétarssonar. InfoCapital er stærsti hluthafi Gavia sem er stærsti hluthafi Sýnar með 16,8% beinan hlut.
Sýn birti uppgjör fyrir fyrsta ársfjórðung á miðvikudaginn. Félagið hagnaðist um 213 milljónir króna samanborið við 207 milljónir á sama tímabili árið áður.
