Fagfjárfestasjóðurinn Seigla I hagnaðist um 536 milljónir króna árið 2024, samanborið við 41 milljónar tap árið 2023. Stjórn sjóðsins leggur til að greiddur verði arður til hluthafa í ár að fjárhæð 78,6 milljónir króna, að því er segir í ársreikningi Seiglu.
Eignir í stýringu hjá Seiglu I námu 1,4 milljörðum króna í árslok 2024, samanborið við tæplega 600 milljónir árið áður. Innborgað hlutafé í sjóðinn í fyrra nam ríflega 300 milljónum króna og höfðu fjárfestar um síðustu áramót alls lagt sjóðnum til ríflega 900 milljónir króna.
Seigla I, sem var stofnaður í júní 2022, er rekinn af Seiglu eignastýringu, félagi Rafns Viðars Þorsteinssonar sem starfað áður hjá Fossum. Sjóðurinn sem leggur megináhersla á innlendan hlutabréfamarkað.
Hagnað Seiglu I má einkum rekja til gangvirðisbreytinga hlutabréfa sem námu 669 milljónum króna í fyrra en til samanburðar voru þær neikvæðar um 108 milljónir árið 2023.
Eignir sjóðsins námu 1.408 milljónum króna í árslok 2024. Þar af voru fjárfestingar í hlutabréfum 762 milljónir króna og handbært fé 623 milljónir. Sjóðurinn keypti hlutabréf fyrir 25,6 milljarða króna í fyrra og seldi fyrir 25,7 milljarða.
Stærstu hluthafar Seiglu í árslok 2024
| Eignarhlutur |
| 16,9% |
| 11,1% |
| 8,3% |
| 7,3% |
| 7,1% |
| 5,8% |
| 5,6% |
| 5,5% |
| 5,5% |
| 4,8% |
| 22,1% |
