Hálfur milljarður í arð

Innnes hagnaðist um 250 milljónir króna á síðasta ári samanborið við 285 milljónir árið 2023.

Líkt og undanfarin ár var Innnes með mestar tekjur heildverslana hér á landi en tekjur félagsins námu 20,6 milljörðum króna, sem er ríflega 15% aukning milli ára.

Hlutfall hagnaðar Innness af tekjum nam því 1,2% á árinu. Stjórn félagsins leggur til 500 milljóna króna arðgreiðslu til hluthafa vegna síðasta rekstrarárs.

Í ársbyrjun 2024 sameinaðist Djúpalón ehf. inn í Innnes en félagið sérhæfir sig í sjávarfangi. Magnús Óli Ólafsson er forstjóri Innnes.