Haldið var upp á endurvakningu fransk-íslenska viðskiptaráðsins með hátíðarkvöldverði í Perlunni á föstudag. Franski Michelin-stjörnukokkurinn Philippe Girardon kom sérstaklega til landsins til að elda fyrir gesti á hátíðarkvöldverðinum. Fjármálaráðherra, Bjarni Benediktsson, ávarpaði gesti fyrir matinn og fjallaði m.a. um mikilvægi þess að halda ríkisfjármálunum réttu megin við núllið.
Í sínu ávarpi lagði Marc Bouteiller, sendiherra Frakka á Íslandi, um mikilvægi viðskipta milli Íslands og Frakklands. Í sama streng tó Berglind Ásgeirsdóttir, sendiherra Íslands í Frakklandi, og ræddi mikilvægi þess að ná sama árangri og Norðmenn í markaðssetningu á fiski í Frakklandi. Nafn Íslands ætti að vera jafn þekkt sem gæðastimpill á fiskvörur og nafn Noregs er nú.
Meðfylgjandi myndir tók Ragnar Axelsson.
