Íslenska hátæknifyrirtækið Controlant sagði upp 80 starfsmönnum í morgun. Starfsmönnum var tilkynnt þetta á fundi um tvöleytið í dag.
Samkvæmt upplýsingum frá Controlant í október störfuðu um 500 manns hjá fyrirtækinu. Mikill meirihluti þeirra starfar á Íslandi.
Íslenska hátæknifyrirtækið Controlant sagði upp 80 starfsmönnum í morgun. Starfsmönnum var tilkynnt þetta á fundi um tvöleytið í dag.
Samkvæmt upplýsingum frá Controlant í október störfuðu um 500 manns hjá fyrirtækinu. Mikill meirihluti þeirra starfar á Íslandi.
Controlant sendi frá sér tilkynningu rétt fyrir þrjú í dag þar sem greint var frá því að félagið hafi lokið við 80 milljón dala fjármögnun sem var leidd af Gildi-lífeyrissjóði með þátttöku annarra lífeyrissjóða ásamt einkafjárfestum og núverandi hluthöfum.
Fjármögnunin kemur til viðbótar við 40 milljóna dala lánsfjármögnun frá breska sjóðinum Apax Credit, sem lokið var í september síðastliðnum.
„Controlant gegndi lykilhlutverki í dreifingu bólefna í heimsfaraldrinum og hefur vaktað yfir 6 milljarða bóluefnaskammta á undanförnum þremur árum. Félagið hlaut heimsathygli í lyfjageiranum og víðar fyrir þátttöku í þessu mikilvæga verkefni og þann árangur sem náðist sem sannaði ávinningin sem hlýst af vöktunarlausnum Controlant. Verkefnið krafðist mikils mannafla og verður samdráttur í því til þess að samtals verða um 80 störf lögð niður þvert á deildir og starfsstöðvar,“ segir í tilkynningunni.
Fyrirtækið hefur verið að vaxa mjög hratt og fékk m.a. heimild frá hluthöfum fyrir 90 milljón dala fjármögnun í sumar, sem samkvæmt Gísla var heilbrigð blanda af skuldsettri og hefðbundinni fjármögnun.
Til viðbótar við starfsemi félagsins á Íslandi, Hollandi og Bandaríkjunum voru opnaðar starfsstöðvar í Póllandi síðastliðið haust og í Danmörku í mars á þessu ári.
Fréttin var uppfærð eftir tilkynningu frá Controlant barst skömmu eftir birtingu.
