Tröllin hófu göngu sína árið 2016 og sóttu fljótlega í sig veðrið. Til að byrja með bauð félagið upp á jöklaferðir á Suðurlandi en í dag býður Tröll ferðaþjónusta upp á fjöldann allan af ferðum víða um landið, þar sem félagið sérhæfir sig einna helst í fjöldagsferðum og afþreyingu tengdri þeim.

Árið 2023 var langstærsta ár félagsins til þessa. Tröll ferðaþjónusta velti tæplega þremur milljörðum króna í fyrra, samanborið við tvo milljarða árið 2022. Þá tvöfaldaðist hagnaður milli ára, nam 223 miljónum árið 2023, samanborið við 112 milljónir árið áður.