Hlutabréfaverð fasteignafélagsins Heima hækkaði um rúm 3% í dag en tilkynnt var um rúmlega 1,5 milljarða króna viðskipti með bréf félagsins klukkan hálf fjögur í dag.
Alls skiptust 40.437.856 hlutir um hendur á genginu 37,2 krónur á hlut. Miðað við útgefna hluti í Heimum er um að ræða um 2,23% hlut í fasteignafélaginu.
Fyrr um daginn voru nokkur viðskipti sem fóru yfir hundrað milljónir króna er keyptir voru 5 milljón hlutir og 4,3 milljón hlutir á genginu 36,6 krónur á hlut.
Heildarvelta með bréf Heima í dag nam 2,3 milljörðum króna.
Samkvæmt heimildum Viðskiptablaðsins bera erlendir vísitölusjóðir ábyrgð á umfanginu í Heimum rétt fyrir lokun.
Óvenju umfangsmikil viðskipti áttu sér stað á síðustu fimm mínutum fyrir lokun markaða er FTSE-vísitölusjóðir voru að koma sér í jafnvægi gagnvart vigt á Íslandi í sínum sjóðum. Samhliða því að keypt var í Heimum voru seld bréf í öðrum félögum á Íslandi.
Fyrr um daginn voru nokkur viðskipti sem fóru yfir hundrað milljónir króna þegar keyptir voru 5 milljón hlutir og 4,3 milljón hlutir á genginu 36,6 krónur á hlut.
Heildarvelta með bréf Heima í dag nam 2,3 milljörðum króna.
Úrvalsvísitalan OMXI15 lækkaði um 1,57% í viðskiptum dagsins en vísitalan hefur nú lækkað um 5,6% síðastliðinn mánuð.
Hlutabréf í Högum lækkuðu um tæp 5% í 528 milljón króna veltu og var dagslokagengi félagsins 98 krónur. Dagslokagengi Haga hefur ekki farið undir 100 krónur frá því í nóvember í fyrra en gengið hefur lækkað um 7,5% á árinu.
Hlutabréf í Festi lækkuðu um 4% í 430 milljón króna viðskiptum í dag og var dagslokagengi samstæðunnar 284 krónur á hlut. Gengi Festi hefur lækkað um 7% síðastliðinn mánuð en hækkað um 1% þar sem af er ári.
Hlutabréfaverð fasteignafélagsins Kaldalón lækkaði um rúm 4% í 229 milljón króna veltu og lokaði gengi félagsins í 25,2 krónum.
Gengi Íslandsbanka fór niður um tæp 3% í 183 milljón króna veltu og lokaði í 121 krónum á hlut.
Heildarvelta á markaði nam 7,8 milljörðum króna.
