Nasdaq tilkynnti í dag að tvö félög koma ný inn í OMX Iceland 15 (OMXI 115) vísitöluna, sem er einnig þekkt sem Úrvalsvísitala Nasdaq Iceland. Breytingin tekur gildi á mánudaginn 2. janúar 2025.
Félögin sem koma ný inn í vísitöluna eru fasteignafélögin Heimar (sem hét áður Reginn) og Kaldalón. Hlutabréfaverð beggja félaga hefur verið á mikilli siglingu að undanförnu og hækkað um meira en helming í ár.
Í stað þeirra fara Eimskip og Hampiðjan úr vísitölunni. Hlutabréfaverð beggja félaga hefur lækkað í ár.
Úrvalsvísitalan er samsett af þeim félögum sem mest viðskipti eru með á hlutabréfamarkaði Nasdaq Iceland. Endurskoðun á sér stað tvisvar á ári og tekur ný samsetning vísitölunnar gildi í janúar og júlí ár hvert.
Þann 2. janúar næstkomandi verður vísitalan samsett af eftirfarandi félögum:
- Alvotech
- Amaroq Minerals Ltd.
- Arion Banki hf.
- Eimskipafélag Islands hf.
- Festi hf.
- Hagar hf.
- Hampiðjan hf.
- Icelandair Group hf.
- Íslandsbanki hf.
- Kvika banki hf.
- Marel hf.
- Oculis Holding AG
- Reitir fasteignafélag hf.
- Síldarvinnslan hf.
- Sjóva-Almennar tryggingar hf.
