Sameinaða útgáfufélagið ehf., sem gefur út Heimildina og Vísbendingu, hagnaðist um 11 milljónir króna eftir skatta í fyrra sem var fyrsta rekstrarárið eftir samruna Stundarinnar og Kjarnans.
Greint er frá rekstrarniðurstöðu útgáfufélagsins í frétt undir fyrirsögninni „Rekstur Heimildarinnar sjálfbær“ í nýjasta tölublaði Heimildarinnar sem kom út í dag. Þar segir að viðsnúningur hafi orðið í rekstri félagsins.
Sameinaða útgáfufélagið ehf., sem gefur út Heimildina og Vísbendingu, hagnaðist um 11 milljónir króna eftir skatta í fyrra sem var fyrsta rekstrarárið eftir samruna Stundarinnar og Kjarnans.
Greint er frá rekstrarniðurstöðu útgáfufélagsins í frétt undir fyrirsögninni „Rekstur Heimildarinnar sjálfbær“ í nýjasta tölublaði Heimildarinnar sem kom út í dag. Þar segir að viðsnúningur hafi orðið í rekstri félagsins.
Tekjur félagsins námu rúmum hálfum milljarði króna í fyrra sem samsvarar 38% tekjuvexti samanlagðrar veltu Útgáfufélags Stundarinnar ehf. og Kjarnans miðla ehf. á árinu 2022, að því er segir í umfjölluninni.
Rekstrarhagnaður Sameinaða útgáfufélagsins ehf. nam 17,7 milljónum króna í fyrra.
Þess má geta að Sameinaða útgáfufélagið fékk úthlutað 54,7 milljónum krónum í fjölmiðlastyrk frá ríkinu á síðasta ári.
Ekki er búið að skila inn ársreikningi Sameinaða útgáfufélagsins til fyrirtækjaskrár Skattsins.
Hluthafar Sameinaða útgáfufélagsins:
- Heiða B. Heiðarsdóttir 7,6%
- Ingibjörg Dögg Kjartansdóttir 7,6%
- Jón Ingi Stefánsson 7,6%
- Jón Trausti Reynisson 7,6%
- Höskuldur Höskuldsson 7,6%
- Góður punktur ehf. (í eigu Reynis Traustasonar) 7,6%
- Snæbjörn Björnsson Birnir 7,6%
- HG80 ehf. (í eigu Hjálmars Gíslasonar) 6,9%
- Miðeind ehf. (í eigu Vilhjálms Þorsteinssonar) 6,8%
- Birna Anna Björnsdóttir 4,4%
- Magnús Halldórsson 3,6%
- Þórður Snær Júlíusson 3,0%
- Charlotta María Hauksdóttir 2,8%
- Kol ehf. (í eigu Helga Más Haraldssonar) 2,5%
- Hjalti Harðarson 2,3%
- Vogabakki ehf. (í eigu Árna Haukssonar og Hallbjörns Karlssonar) 1,9%
- Fjélagi eignarhaldsfélag (í eigu Jason Whittle (99%) og Steindórs Sigurgeirssonar (1%)) 1,5%
- Stormur Seafood ehf. (Að mestu í eigu Steindórs Sigurgeirssonar) 1,5%
- Fagriskógur ehf. (Í eigu Stefáns Hrafnkelssonar) 1,4%
- Milo ehf. (í eigu Eddu Hafsteinsdóttur og Guðmundar Hafsteinssonar) 1,4%
- Kjarninn Miðlar ehf. 1,4%
- Valgerður Oddsdóttir 1,0%
- Sameinaða útgáfufélagið ehf. 0,9%
- Birgir Þór Harðarson 0,7%
- Jónas Reynir Gunnarsson 0,7%
- Gunnar Tómasson 0,5%
- Áslaug Karen Jóhannsdóttir 0,5%
- Kristrún Lind Birgisdóttir 0,3%
- Egill Sigurðarson 0,2%
