Bandarísk yfirvöld hafa tilkynnt nýjar reglur sem beinast gegn fyrirtækjum frá Kína og öðrum löndum sem flytja stál og ál fyrst í gegnum Mexíkó til að komast fram hjá bandarískum tollum.
Vöruinnflytjendur verða nú að sanna uppruna hverrar vöru sem fer frá Mexíkó til Bandaríkjanna. Ráðstafanirnar eiga að auka vernd fyrir bandaríska stál- og álframleiðendur.
Ríkisstjórn Bandaríkjanna undir leiðsögn Donalds Trumps setti 25% tolla á innflutt stál og 10% toll á innflutt ál árið 2018. Mexíkó, eitt af stærstu viðskiptalöndum Bandaríkjanna, var meðal þeirra landa sem á endanum fékk undanþágu frá reglunum.
Hvíta húsið segir nú að verið sé að endurskoða þessa undanþágu þar sem aukinn innflutningur frá landinu bendi til þess að verið sé að nota landið sem viðkomustað fyrir aðra framleiðendur.
