Hlutabréfaverð Haga hefur hækkað um tæp 19% á rúmum mánuði eftir 4% hækkun í gengi dagsins.
Dagslokagengi Haga var 83,5 krónur eftir um 300 milljón króna viðskipti í dag en gengi félagsins stóð í 70,3 krónum 8. maí.
Hlutabréfaverð Alvotech hækkaði um rúm 2% í viðskiptum dagsins en dagslokagengi líftæknilyfjafélagsins var sléttar 2.000 krónur.
Hlutabréfaverð Haga hefur hækkað um tæp 19% á rúmum mánuði eftir 4% hækkun í gengi dagsins.
Dagslokagengi Haga var 83,5 krónur eftir um 300 milljón króna viðskipti í dag en gengi félagsins stóð í 70,3 krónum 8. maí.
Hlutabréfaverð Alvotech hækkaði um rúm 2% í viðskiptum dagsins en dagslokagengi líftæknilyfjafélagsins var sléttar 2.000 krónur.
Gengi Alvotech hefur verið undir 2.000 krónunum í rúman mánuð núna en Alvotech greindi frá auknu samstarfi við STADA fyrir opnun markaða í morgun. Hlutabréf í Alvotech hafa hækkað um 26% á árinu.
Ölgerðin leiddi lækkanir á markaði í dag er gengið fór niður um tæp 3%. Hlutabréf í félaginu hafa þó hækkað um 19% á árinu, sem er það næstmesta á árinu á eftir Alvotech.
Um 90 milljón króna velta var með bréf Kaldvíkur á First North vaxtarmarkaðinum og fór gengi félagsins upp um rúm 5%. Dagslokagengi Kaldvíkur var 360 krónur.
Úrvalsvísitalan OMXI15 hækkaði um 0,85% og var heildarvelta á markaði 3 milljarðar.
