Hlutabréf í franska fjártæknifyrirtækinu Worldline lækkuðu um rúm 57% í kauphöllinni í París í dag eftir að fyrirtækið færði afkomuspá sína niður fyrir árið.
Markaðsvirði fyrirtækisins lækkaði um 4 milljarða Bandaríkjadali sem samsvarar rúmlega 557 milljörðum króna.
Worldline er leiðandi í greiðslumiðlun en fyrirtækið þróar greiðslulausnir og hugbúnað sem er notaður í posa.
Í afkomuviðvörun fyrirtækisins segir að hæg efnahagsumsvif í Þýskalandi og öðrum mörkuðum séu að höggva verulega í tekjur og hagnað fyrirtækisins.
Hlutabréf í franska fjártæknifyrirtækinu Worldline lækkuðu um rúm 57% í kauphöllinni í París í dag eftir að fyrirtækið færði afkomuspá sína niður fyrir árið.
Markaðsvirði fyrirtækisins lækkaði um 4 milljarða Bandaríkjadali sem samsvarar rúmlega 557 milljörðum króna.
Worldline er leiðandi í greiðslumiðlun en fyrirtækið þróar greiðslulausnir og hugbúnað sem er notaður í posa.
Í afkomuviðvörun fyrirtækisins segir að hæg efnahagsumsvif í Þýskalandi og öðrum mörkuðum séu að höggva verulega í tekjur og hagnað fyrirtækisins.
Önnur greiðslumiðlunarfyrirtæki á niðurleið
Þá hefur nýtt regluverk í kringum greiðslumiðlun gert fyrirtækinu erfitt fyrir og hefur það þurft að hætta að veita þjónustu til fjölda viðskiptavina sem falla í áhættuflokk.
„Við erum glíma við fleiri áskoranir en við áttum von á,“ segir Gilles Grapinet framkvæmdastjóri Worldline.
Önnur greiðslumiðlunarfyrirtæki víða i Evrópu lækkuðueftir afkomuviðvörun Worldline en Adyen í Hollandi lækkaði um 11% og Nexi á Ítalíu féll um 20% og leiddi lækkanir meðal fyrirtækja í STOXX 600.
Hlutabréf í CAB Payments féllu um 72% í kauphöllinni í Lundúnum í gær eftir að greiðslumiðlunarfyrirtækið sendi frá sér sambærilega afkomuviðvörun.
Þá féllu bandarísku greiðslumiðlunarfyrirtækin PayPal, Block og Affirm öll um meira en 2% í framvirkum samningum fyrir lokuðum markaði í Bandaríkjunum.
