Hlutabréfaverð íslenskra félaga byrjar daginn á lækkunum eftir páskafrí en töluverð óvissa ríkir enn í alþjóðaviðskiptum eftir vendingar vestanhafs um helgina.
Hlutabréf í Amaroq, sem hafa verið að ná vopnum sínum síðustu daga, hafa lækkað um 6,5% það sem af er degi og stendur gengið í 144 krónum um þessar mundir.
Hlutabréf JBT, Marel og Play hafa lækkað um 5,5% í örviðskiptum.
Gengi Alvotech hefur lækkað um 3,7% á meðan gengi Oculis hefur lækkað um 3%.
Úrvalsvísitalan hefur lækkað um 1,75% það sem af er degi. Heildarvelta í Kauphöllinni rétt fyrir 11 var um 300 milljónir sem er afar lítið.
