Hluta­bréf Nikola hækkað um 80%

Hluta­bréf í banda­ríska bíla­fram­leiðandanum Nikola hafa hækkað um 37% frá opnun markaðar vestan­hafs eftir að fyrir­tækið til­kynnti að Mary Chan sem nýjan fram­kvæmda­stjóra.

Chan er fyrrum for­stjóri General Motors en Ste­ve Gri­sky, sem einnig starfaði um ára­bil hjá GM, verður á­fram for­stjóri Nikola.

Hluta­bréf Nikola hafa hækkað um 81% síðast­liðna fimm daga en gengið tók við sér í síðustu viku þegar fyrir­tækið til­kynnti um að fyrsti vöru­bíllinn með vetnis­rafali yrði af­hentur í lok mánaðar.

Bíla­fram­leiðandinn hefur ekki átt sjö dagana sæla en gengið hrundi í lok ágúst eftir að fyrir­tækið til­kynnti um sölu á breytan­legum skulda­bréfum að fjár­hæð 325 milljón banda­ríkja­dala sem sam­svarar ríf­lega 43 milljörðum ís­lenskra króna.

Nikola hefur hingað til sér­hæft sig í að fram­leiða þunga raf­knúna vöru­bíla og var fyrir­tækið það fyrsta til að selja tvinn­bíla sem gengu fyrir bæði raf­magni og metangasi.

Sam­hliða til­kynningunni um skulda­bréfa­út­boðið greindi fyrir­tækið frá því að ó­vissa ríkir um hve­nær fram­leiðsla á raf­knúnum vöru­bílum fyrir­tækisins geti haldið á­fram eftir að fyrir­tækið inn­kallaði 209 bíla ný­verið eftir elds­voða í einum bíl.

Rann­sókn leiddi í ljós að galli í raf­geyma bílsins hafi verið or­sökin af elds­voðanum.

Nikola á enn langt í land með að ná vopnum sínum en gengið hefur fallið um 28% á árinu.

Gengið stóð hæst í 66 Banda­ríkja­dölum árið 2020 en stendur nú í 1,6 dölum.