Hlutabréf í líftæknilyfjafyrirtækinu Alvotech hafa lækkað um 34% frá því að félagið náði hæsta gildi sínu 26. febrúar. Gengi félagsins féll um rúm 7% í um 417 milljón króna veltu í viðskiptum dagsins.
Dagslokagengi Alvotech var 1620 krónur í dag en gengið stóð í 2450 krónum þann 26. febrúar, þegar félagið gekk að tilboði frá hópi fagfjárfesta í almennra hlutabréfa í félaginu að verðmæti um 22,8 milljarðar króna á genginu 2.250 krónur á hlut.
Hlutabréf í líftæknilyfjafyrirtækinu Alvotech hafa lækkað um 34% frá því að félagið náði hæsta gildi sínu 26. febrúar. Gengi félagsins féll um rúm 7% í um 417 milljón króna veltu í viðskiptum dagsins.
Dagslokagengi Alvotech var 1620 krónur í dag en gengið stóð í 2450 krónum þann 26. febrúar, þegar félagið gekk að tilboði frá hópi fagfjárfesta í almennra hlutabréfa í félaginu að verðmæti um 22,8 milljarðar króna á genginu 2.250 krónur á hlut.
Gengi fasteignafélagsins Kaldalóns lækkaði um tæp 4% í viðskiptum dagsins en aðalfundur félagsins fer fram á morgun þar sem ný stjórn verður kjörin.
Hlutabréfaverð Sjóvá lækkaði einnig um tæp 4% í 162 milljón króna viðskiptum.
Hlutabréfaverð Icelandair, sem hækkaði um rúmt 3% í fyrstu viðskiptum eftir afkomuspá, endaði daginn á að lækka um 1%. Dagslokagengi Icelandair var 1,06 krónur.
Marel var eina félagið á aðalmarkaði sem hækkaði í viðskiptum dagsins er gengi félagsins fór upp um tæp 2% í 278 milljón króna veltu.
Úrvalsvísitalan OMXI 15 lækkaði um 1,2% og var heildarvelta á markaði 2,5 milljarðar.
