Hlutabréfaverð Alvotech hækkaði um rúm 3% í 199 milljón króna viðskiptum í dag.
Daglokagengi félagsins nam 1.135 krónum á hlut sem er hækkun úr 1.070 krónum síðustu tvo viðskiptadaga.
Gengi félagsins hefur sveiflast töluvert á síðustu mánuðum en hlutabréfaverð Alvotech hækkaði um 45% í maímánuði en hefur síðan lækkað um 17% síðastliðinn mánuð.
Gengi félagsins hefur lækkað um 36% það sem af er ári.
Hlutabréfaverð fasteignafélagsins Eikar hækkaði um rúm 2% í þremur viðskiptum sem námu 41 milljón króna í heildina. Gengi Eikar var 13,6 krónur við lokun markaða.
Gengi Kaldalóns hækkaði um rúm 2% í 39 milljón króna viðskiptum og lokaði gengið í 22,7 krónum á hlut.
Gengi Play og Icelandair leiddi lækkanir er hækkandi olíuverð á heimsvísu eykur óvissu í kringum flugfélögin.
Hutabréfaverð Icelandair lækkaði um tæp 2% á meðan gengi Play fór niður um 1,65%. Dagslokagengi Icelandair var 1,01 króna á meðan gengi Play var 0,9 krónur á hlut.
Úvalsvísitalan OMXI15 hækkaði um 0,57%. Heildarvelta á markaði nam 2,3 milljörðum.
