Hlutabréfaverð Haga hækkaði fjórða viðskiptadaginn í röð í dag. Dagslokagengi félagsins var 85,5 krónur eftir um 4% hækkun í 130 milljón króna veltu í dag.
Gengi Haga stóð í 70,3 krónum í byrjun maí og hefur hækkað um tæp 22% á tveimur mánuðum.
Samkvæmt árshlutauppgjöri, sem Hagar birtu síðastliðinn föstudag, er gert ráð fyrir að EBITDA félagsins verði á bilinu 13,8-14,3 milljarðar á rekstrarárinu en félagið hagnaðist um 850 milljónir á fyrsta fjórðungi.
Hlutabréfaverð Haga hækkaði fjórða viðskiptadaginn í röð í dag. Dagslokagengi félagsins var 85,5 krónur eftir um 4% hækkun í 130 milljón króna veltu í dag.
Gengi Haga stóð í 70,3 krónum í byrjun maí og hefur hækkað um tæp 22% á tveimur mánuðum.
Samkvæmt árshlutauppgjöri, sem Hagar birtu síðastliðinn föstudag, er gert ráð fyrir að EBITDA félagsins verði á bilinu 13,8-14,3 milljarðar á rekstrarárinu en félagið hagnaðist um 850 milljónir á fyrsta fjórðungi.
Vörusala Haga nam 44 milljörðum króna á tímabilinu sem er um 6,2% meira en á sama tímabili í fyrra. Framlegð félagsins á fyrsta fjórðungi nam 9,5 milljörðum sem er hækkun úr 8 milljörðum árið áður.
Á sama tímabili hefur hlutabréfaverð Skaga samstæðunnar lækkað um 15% en gengi félagsins stóð í 17,2 krónum fyrir tveimur mánuðum.
Dagslokagengi Skaga var 14,65 krónur eftir um 3% lækkun í viðskiptum dagsins en gengið hefur það ekki verið lægra á árinu.
Skagi, áður VÍS og Fossar, birti árshlutauppgjör í lok maí og nam hagnaður samstæðunnar nam 136 milljónum króna á fyrsta ársfjórðungi, sem er um 41% samdráttur á milli ára þegar hagnaður samstæðunnar nam 229 milljónum.
Í árshlutauppgjöri félagsins sagði félagið að fjárfestingareignir væru að skila góðum fjárfestingartekjum en hærri fjármagnsliðir sem hækka milli ára væru ástæða lægri afkomu í samanburði við fyrsta ársfjórðung á síðasta ári.
Hlutabréfaverð Eimskips hækkaði um 2% í viðskiptum dagsins í afar lítilli veltu en gengi gámaflutningafélagsins hafði lækkað um rúm 5% síðustu tvær vikur þar á undan.
Dagslokagengi Eimskips var 334 krónur.
Úrvalsvísitalan OMXI15 hækkaði um 0,43% í viðskiptum dagsins og var heildarvelta 1,5 milljarður.
