Hlutabréfaverð Nova lækkaði um 1,4% í 320 milljón króna viðskiptum í dag. Dagslokagengi félagsins er 3,62 krónur sem er það lægsta í sögu félagsins.
Nova fór á markað í lok júní 2022 en í almennu útboði fyrir skráningu félagsins bárust rúmlega 5.000 áskriftir að andvirði um 12 milljarða króna sem samsvaraði tæplega tvöfaldri eftirspurn.
Ákveðið var að stækka útboðið sem nemur um 20% í þágu áskriftarbókar A, sem náði til boða undir 20 milljónum króna.
Endanlegt útboðsgengi í báðum áskriftarbókum nam 5,11 krónum á hlut en gengið lækkaði strax um rúm 9% á fyrsta viðskiptadegi.
Hlutabréfaverð Nova lækkaði um 1,4% í 320 milljón króna viðskiptum í dag. Dagslokagengi félagsins er 3,62 krónur sem er það lægsta í sögu félagsins.
Nova fór á markað í lok júní 2022 en í almennu útboði fyrir skráningu félagsins bárust rúmlega 5.000 áskriftir að andvirði um 12 milljarða króna sem samsvaraði tæplega tvöfaldri eftirspurn.
Ákveðið var að stækka útboðið sem nemur um 20% í þágu áskriftarbókar A, sem náði til boða undir 20 milljónum króna.
Endanlegt útboðsgengi í báðum áskriftarbókum nam 5,11 krónum á hlut en gengið lækkaði strax um rúm 9% á fyrsta viðskiptadegi.
Hlutabréfaverð Nova hefur aldrei náð útboðsgenginu og hefur virði þeirra hluta sem keyptir voru í útboðinu lækkað um 29% miðað við dagslokagengið í dag.
Markaðsvirði Nova miðað við útboðsgengi var 19,5 milljarðar króna. Markaðsvirði fjarskiptafélagsins er rúmir 13 milljarðar í dag.
Bandaríski framtakssjóðurinn Pt Capital eignaðist helmingshlut í félaginu árið 2017 en keypti síðan eftirstandandi hluti Novator, fjárfestingarfélags Björgólfs Thors Björgólfssonar, í ágúst árið 2021 og eignaðist þar með nærri allt hlutafé félagsins.
Framtakssjóðurinn hefur síðan þá losað sig úr félaginu og seldi Nova Acquisition Holding, sjóður í stýringu Capital, eftirstandandi 11,1% hlut sinn í Nova í apríl 2023. Gengið í viðskiptunum var 4,8 krónur og fékk sjóðurinn um 2 milljarðar.
Samkvæmt árshlutauppgjöri annars ársfjórðungs hagnaðist Nova um 108 milljón krónur á fjórðungnum.
Heildartekjur voru 3,2 milljarðar og námu þjónustutekjur 2,5 milljörðum sem var 3,6% vöxtur milli ára. Eiginfjárhlutfall var 40,2% í lok fjórðungsins og eigið fé nam 9,37 milljörðum króna.
„Nú þegar árið er hálfnað er gott að líta yfir stöðuna. Reksturinn er traustur. Heildartekjur eru svipaðar og á síðasta ári en þegar við kíkjum baksviðs sjáum við að Nova heldur áfram að styrkja sig inn í framtíðina, sem er einmitt það sem við stefnum alltaf að. Vörusalan hefur verið að dragast saman í krefjandi umhverfi, sem hefur þó ekki áhrif á rekstrarhagnað. Þjónustutekjurnar aukast á móti og viðskiptavinunum fjölgar,” sagði Margrét Tryggvadóttir í uppgjöri félagsins.
Hlutabréfaverð Nova hækkaði í aðdraganda uppgjörsins og stóð í 3,9 krónum á uppgjörsdegi. Gengið hefur lækkað um rúm 7% síðan þá, eða fyrir sína hluti.
