Viðsnúningur varð á gengi Skaga samstæðunnar í viðskiptum dagsins er hlutabréfaverð félagsins hækkaði um rúm 4% í um 140 milljón króna veltu.
Fyrir viðskipti dagsins hafði gengi Skaga lækkað um 15% síðastliðna tvo mánuði en félagið birti árshlutauppgjör í lok maí sem sýndi 41% hagnaðarsamdrátt milli ára.
Í árshlutauppgjöri félagsins sagði að fjárfestingareignir væru að skila góðum fjárfestingartekjum en fjármagnsliðir hækka milli ára sem væri ástæða þess að afkoman væri lægri í samanburði við fyrsta ársfjórðung á síðasta ári.
Viðsnúningur varð á gengi Skaga samstæðunnar í viðskiptum dagsins er hlutabréfaverð félagsins hækkaði um rúm 4% í um 140 milljón króna veltu.
Fyrir viðskipti dagsins hafði gengi Skaga lækkað um 15% síðastliðna tvo mánuði en félagið birti árshlutauppgjör í lok maí sem sýndi 41% hagnaðarsamdrátt milli ára.
Í árshlutauppgjöri félagsins sagði að fjárfestingareignir væru að skila góðum fjárfestingartekjum en fjármagnsliðir hækka milli ára sem væri ástæða þess að afkoman væri lægri í samanburði við fyrsta ársfjórðung á síðasta ári.
Skagi mun birta árshlutauppgjör annars ársfjórðungs í lok mánaðar.
Hlutabréfaverð Íslandsbanka hefur einnig tekið við sér á ný en gengi bankans hefur nú hækkað um 5% í júlímánuði eftir 8% lækkun síðustu tvo mánuði á undan.
Dagslokagengi Íslandsbanka nam 99,8 krónum á hlut eftir um 123 milljón króna viðskipti.
Mesta veltan var með bréf Festi en um hálf þrjú í dag fóru í gegn tæplega 2,6 milljarða króna viðskipti með bréf félagsins. Velta með bréf Festi var því um 67% af allri veltu á markaðinum í dag.
Gengið í viðskiptunum var 208 krónur en hlutabréfaverð Festi hækkaði um 1,46% í dag og lokaði í 209 krónum.
Hlutabréfaverð Festi hefur hækkað um 10% síðastliðinn mánuð.
Úrvalsvísitalan OMXI15 hækkaði og var heildarvelta á markaði 3,9 milljarðar.