Hlutabréfaverð Sýnar lækkaði um 6% í um hátt í 300 milljón króna viðskiptum í dag en gengið hefur nú lækkað um 21% frá því að fjölmiðla- og fjarskiptafélagið sendi frá sér neikvæða afkomuviðvörun fyrir mánuði síðan.
Dagslokagengi Sýnar var 37,4 krónur en gengið stóð í 47,6 fyrir afkomuviðvöruna í lok apríl.
Sýn birti árshlutauppgjör í byrjun maí en þar kom fram að félagið tapaði 153 milljónum króna á fyrsta ársfjórðungi samanborið við 213 milljóna hagnað á sama tímabili í fyrra.
Hlutabréfaverð Sýnar lækkaði um 6% í um hátt í 300 milljón króna viðskiptum í dag en gengið hefur nú lækkað um 21% frá því að fjölmiðla- og fjarskiptafélagið sendi frá sér neikvæða afkomuviðvörun fyrir mánuði síðan.
Dagslokagengi Sýnar var 37,4 krónur en gengið stóð í 47,6 fyrir afkomuviðvöruna í lok apríl.
Sýn birti árshlutauppgjör í byrjun maí en þar kom fram að félagið tapaði 153 milljónum króna á fyrsta ársfjórðungi samanborið við 213 milljóna hagnað á sama tímabili í fyrra.
Hlutabréf líftæknilyfjafyrirtækisins Alvotech hækkaði um rúm 2% í hátt í milljarðs króna veltu en félagið birti árshlutauppgjör eftir lokun markaða í gær.
Samkvæmt uppgjörinu býst Alvotech við því tekjur muni fimmfaldast á milli ára en fyrirtækið tapaði engu að síður 30 milljörðum á fyrsta fjórðungi.
Gengi fasteignafélagsins Kaldalóns leiddi til hækkana á aðalmarkaði. Hlutabréfaverð Kaldalóns hækkaði um 4% í tæplega 700 milljón króna viðskiptum.
Úrvalsvísitalan OMXI 15 lækkaði um 0,26% og var heildarvelta á markaði 5,1 milljarður.