Heildarvirði hlutafjár Nóa-Síríus þegar sælgætisgerðin var seld til norska matvælarisans Orkla fyrir í fyrra nam ríflega 3 milljörðum króna. Tveir stærstu hluthafar Nóa högnuðust um samtals 1,3 milljarða króna af sölunni. Þetta má lesa út úr ársreikningum fyrrum hluthafa Nóa-Síríus.

Orkla kom fyrst inn í hluthafahóp Nóa-Síríusar árið 2019 þegar það keypti 20% hlut á tæplega hálfan milljarð króna. Árið 2019 samdi Orkla um að það gæti keypt hin 80% í félaginu eftir árið 2020, sem Orkla nýtti sér. Fram að sölunni hafði Nói-Síríus verið í eigu Hallgríms Benediktssonar og afkomenda frá því að Hallgrímur eignaðist Nóa árið 1924.