Höldur ehf., sem rekur m.a. Bílaleigu Akureyrar, hagnaðist um 1,8 milljarða króna á síðasta ári og nánast tvöfaldaði hagnað sinn frá fyrra ári. Tekjur námu 13,5 milljörðum króna og jukust um 5,2 milljarða milli ára.

Steingrímur Birgisson er forstjóri Höldurs en í ársreikningi segir að með góðum upplýsingakerfum, breiðum bílaflota og öflugu starfsfólki telji stjórnendur að rekstrarhæfi félagsins sé tryggt um fyrirsjáanlega framtíð.