Starfsmenn Contolant voru boðaðir á fund hver á fætur öðrum í morgun og þeim sagt upp samkvæmt heimildum Vísis. Að minnsta kosti tíu starfsmönnum var sagt upp störfum í dag.
Samkvæmt viðtali Viðskiptablaðsins við Gísla Herjólfsson forstjóra Controlant í sumar starfa 450 manns hjá fyrirtækinu en félagið hefur verið að vaxa mjög hratt.
Til viðbótar við starfsemi félagsins á Íslandi, Hollandi og Bandaríkjunum voru opnaðar starfsstöðvar í Póllandi síðastliðið haust og í Danmörku í mars á þessu ári. Áætlaði félagið að starfsmenn yrðu um 600 talsins í lok árs 2023.
Starfsmenn Contolant voru boðaðir á fund hver á fætur öðrum í morgun og þeim sagt upp samkvæmt heimildum Vísis. Að minnsta kosti tíu starfsmönnum var sagt upp störfum í dag.
Samkvæmt viðtali Viðskiptablaðsins við Gísla Herjólfsson forstjóra Controlant í sumar starfa 450 manns hjá fyrirtækinu en félagið hefur verið að vaxa mjög hratt.
Til viðbótar við starfsemi félagsins á Íslandi, Hollandi og Bandaríkjunum voru opnaðar starfsstöðvar í Póllandi síðastliðið haust og í Danmörku í mars á þessu ári. Áætlaði félagið að starfsmenn yrðu um 600 talsins í lok árs 2023.
Stjórn Controlant fékk heimild frá hluthöfum fyrir 90 milljón dala fjármögnun í sumar sem samkvæmt Gísla var heilbrigð blanda af skuldsettri og hefðbundinni fjármögnun.
„Við höfum vaxið mjög hratt á Íslandi og erum í dag með um 450 starfsmenn hérlendis. Þegar við horfum til framtíðar, þurfum við líka að geta vaxið út fyrir Ísland og byggt upp teymi í fleiri löndum. Við þurfum að efla starfsemina í Bandaríkjunum talsvert og vera nær þeim kjarnaviðskiptavinahópi sem við erum að eltast eftir. Markmiðið er þó ekki bara að vaxa heldur fyrst og fremst að búa til meira virði fyrir lyfjaiðnaðinn og stuðla að sjálfbærni í aðfangakeðju lyfja,“ sagði Gísli í samtali við Viðskiptablaðið í júní.
