Hörður Arnarson, forstjóri Landsvirkjunar, fagnar því að frumvarp um Þjóðarsjóð hafi verið lagt fram að nýju á Alþingi og styður áform um stofnun hans.
Þetta kemur fram í umsögn Landsvirkjunarum frumvarp til laga um Þjóðarsjóðs.
Þórdís Kolbrún Reykfjörð Gylfadóttir, þáverandi fjármála- og efnahagsráðherra, lagði frumvarpið fram í mars en frumvarpið var fyrst lagt fram árið 2018 og endurflutt árið 2019.
„Arðgreiðslugeta Landsvirkjunar hefur á undanförnum árum aukist umtalsvert. Árið 2023 var metafkoma þriðja árið í röð en hagnaður jókst um 19% frá fyrra metári, 2022. Fjárhagsstaða fyrirtækisins hefur aldrei verið betri en eiginfjárhlutfall er nú hærra en nokkru sinni fyrr eða 65,4% og skuldsetning komin niður í 1,4x rekstrarhagnað fyrir afskriftir,“ segir í umsögn Landsvirkjunar.
Hörður Arnarson, forstjóri Landsvirkjunar, fagnar því að frumvarp um Þjóðarsjóð hafi verið lagt fram að nýju á Alþingi og styður áform um stofnun hans.
Þetta kemur fram í umsögn Landsvirkjunarum frumvarp til laga um Þjóðarsjóðs.
Þórdís Kolbrún Reykfjörð Gylfadóttir, þáverandi fjármála- og efnahagsráðherra, lagði frumvarpið fram í mars en frumvarpið var fyrst lagt fram árið 2018 og endurflutt árið 2019.
„Arðgreiðslugeta Landsvirkjunar hefur á undanförnum árum aukist umtalsvert. Árið 2023 var metafkoma þriðja árið í röð en hagnaður jókst um 19% frá fyrra metári, 2022. Fjárhagsstaða fyrirtækisins hefur aldrei verið betri en eiginfjárhlutfall er nú hærra en nokkru sinni fyrr eða 65,4% og skuldsetning komin niður í 1,4x rekstrarhagnað fyrir afskriftir,“ segir í umsögn Landsvirkjunar.
Hörður bendir á að árið 2023 var besta rekstrarár í tæplega 60 ára sögu Landsvirkjunar en vegna þess ákvað stjórn Landsvirkjunar, eftir umleitan efnahags- og efnahagsráðherra, að hækka arðgreiðslu í 30 milljarða króna.
Samanlagður arður vegna rekstraráranna 2021-2023 nemur nú rúmum 65 milljörðum króna. Arðgreiðslur frá Landsvirkjun eru greiddar til ríkisins í Bandaríkjadal.
„Landsvirkjun er sammála því að skynsamlegt sé að arðgreiðslutekjur verði ekki nýttar eins og hver annar tekjustofn til þess að standa undir reglubundnum ríkisútgjöldum og rennir það enn styrkari stoðum undir áform um Þjóðarsjóð,” segir í umsögn Landsvirkjunar.
Hörður bendir á að Ísland sé eitt af fáum löndum í heiminum sem vinna allt sitt rafmagn úr endurnýjanlegum orkugjöfum og mun Þjóðarsjóður, meðal annars með arðgreiðslum Landsvirkjunar, byggja á tekjum af endurnýjanlegum orkuauðlindum.
„Landsvirkjun fagnar því að í greinargerð með frumvarpinu sé tekið fram að græn skuldabréf eða sjóðir samsettir úr þeim fái tiltekið vægi í eignasafni Þjóðarsjóðs. Landsvirkjun vill nýta tækifærið og hvetja til þess að áhersla verði lögð á græna og sjálfbærnitengda eignaflokka í fjárfestingastefnu sjóðsins.”
Hörður ítrekar að lokum stuðning Landsvirkjunar við stofnun Þjóðarsjóðs og segir fyrirtækið að sjálfsögðu reiðubúið til að veita upplýsingar og aðstoða stjórnvöld við frekari undirbúning málsins verði eftir því leitað.
